Almaty oblysynda úzdik jas otbasy anyqtaldy
TALDYQORǴAN.QazAqparat - Almaty oblysynda dástúrge aınalǵan jas otbasylar baıqaýy ótti. «Máńgilik el -máńgilik otbasy» atty dodada 16 shańyraq ózara baq synasty. Bul januıalardyń barlyǵy aýdandyq jarysta top jarǵandar, dep habarlaıdy QazAqparat tilshisi.
Saltanatty rásimdi oblys ákiminiń orynbasary Jaqsylyq Omar ashyp, jarysqa qatysýshylarǵa sáttilik tiledi. Baıqaýda baq synasqandar «Otbasylyq estafesa», «Qanekeı balaqaı», «Júırik bolsań, ozyp kór», «Ata kórgen oq jonar, ana kórgen ton pisher» «Tanystyrý» «Ónerlige óris keń» syndy atalymdar boıynsha ónerlerin ortaǵa saldy.
Jarystyń nátıjesi boıynsha bas júldeni Qaratal aýdanynyń Kakımovtar otbasy ıelendi. Al 1- shi oryndy Kerbulaq aýdanynan Turysbekovtar , 2- shi oryndy Jambyl aýdanynan Táýirbekovtar januıasy, 3- shi oryndy Sarqan aýdanynan Maratovtar otbasy jeńip aldy.
Bıylǵy jyly «Máńgilik el -máńgilik otbasy» oblystyq jas otbasylar baıqaýy jetinshi márte uıymdastyrylyp otyr. Baıqaýdyń maqsaty jastardy otbasylyq qundylyqtardy qurmetteı bilýge shaqyrý, qazaq halqynyń salt-dástúr, ádet- ǵuryptaryn saqtaı otyryp, ony jan- jaqty nasıhattaý, bolashaq jastarǵa patrıottyq tálim-tárbıe berýge, memlekettik jastar saıasatyn júzege asyrýǵa baǵyttalǵan. Jyl saıyn atalǵan jarysqa qatysýshylardyń sany artýda. Máselen, ótken jyly baıqaýǵa 9 otbasy qatyssa, osy jyly 16 shańyraq baq synasýǵa ótinish bildirgen.
