Almaty oblysynda úıinen qashyp ketken oqýshy eki aptadan soń tabyldy
TALDYQORǴAN.QazAqparat - Almaty oblysynda 14 jastaǵy qyz úıinen qashyp ketip, eki aptadan astam ýaqyttan keıin tabyldy. Jasóspirim osy ýaqyt aralyǵynda Almatydaǵy qurbysynyń úıinde alańsyz jasyrynyp jatqan, dep habarlaıdy QazAqparat tilshisi.
Almaty oblystyq ІІD baspasóz qyzmetiniń málimetinshe, Іle aýdanynyń ІІB-ne qyzdyń joǵalǵandyǵy jóninde aqparat 7 mamyrda túsken.
«Qyz bala buǵan deıin de birneshe ret úıinen qashyp ketken. ıÝvenaldy polıtsııanyń ınspektorlary men qyzdyń anasy bul joly jasóspirimdi Almaty qalasynan tapty. Ol osy shahardaǵy qurbysynyń úıinde bolǵan. Bul joly izdeý jumystary aýqymdy túrde júrgizildi. Qyz balanyń tanystarynyń úılerine baryp, ol bolýy múmkin degen jerlerdiń barlyǵy qaraldy», dep málim etti vedomstvo ókilderi.
Sondaı-aq polıtseıler úıinen qashýdy ádetke aınaldyrǵan jasóspirimmen jáne onyń anasymen profılaktıkalyq shara júrgizip, qatań eskertý jasady, dep tolyqtyrdy oblystyq ІІD baspasóz qyzmeti.
Aıta ketý kerek, 14 jastaǵy oqýshy qyz Іle aýdanyndaǵy Baıserke aýylynyń turǵyny.
