Almaty oblysynda úıinde qarý ustaǵan memlekettik qyzmetshiniń basy bálege qaldy
TALDYQORǴAN.QazAqparat - Almaty oblysynda úıinde qarý ustaǵan memlekettik qyzmetshiniń basy bálege qaldy. Qarýdy saqtaý erejesin buzǵany úshin polıtseıler oǵan aıyppul salǵan. Ol azdaı sheneýniktiń bul áreketi Ádep keńesinde qaraldy, dep habarlaıdy QazAqparat tilshisi.
ıAǵnı, Eńbekshiqazaq aýdandyq veterınarııa bóliminiń basshysy B.Bımenovtiń is-áreketi Memlekettik qyzmetshilerdiń Ádep kodeksindegi talaptarǵa qaıshy bolyp otyr. Sol sebepti atalǵan másele Ádep jónindegi keńeste qaralyp, Eńbekshiqazaq aýdanynyń ákimine veterınarııa bóliminiń basshysy B.M.Bımenovty «sógis» túrindegi tártiptik jazaǵa tartý týraly usynys berildi. Al Enbekshiqazaq aýdanynyń polıtseıleri tekserý barysynda qarý men oqtardy saqtaý talaptaryn saqtamaǵan B.Bımenovke QR ÁQBtK 484-baby boıynsha ákimshilik hattama toltyryp, aıyppul salǵan bolatyn.
Sondaı-aq otyrysta Qaratal aýdandyq turǵyn úı -kommýnaldyq sharýashylyǵy men turǵyn úı ınspetsııasyna qatysty másele qaraldy. Olardyń jumysyna ekologııa departamentiniń mamandary narazy. Shaǵymnyń túsýine aýdannyń kúl-qoqys tógetin polıgonyndaǵy ekologııalyq talaptardyń buzylýy sebep bolǵan. Ári ol olqylyqtardy joıýǵa merzim de bergen. Alaıda, jaýapty tulǵalar oryndy talapty áli kúnge oryndamaı otyr. Ádep keńesinde málim bolǵanyndaı, jumys araǵa jyl salyp qana bastalǵan. Ádep keńesi tóraǵasynyń aıtýynsha, memlekettik qyzmet sapasyn kóterý úshin - burynǵysha jazalaýdan góri, profılaktıkalyq sharalar nátıjelirek. Sondyqtan, departament aldaǵy ýaqytta aýdan-qalalarǵa kóshpeli mobıldi toptar attandyryp, túrli zańsyzdyqtardyń aldyn alý baǵytynda ter tókpek.
