Almaty oblysynda úıi órtengen kópbalaly otbasy kómekke zárý

QazAqparat tilshisine telefon arqyly habarlasqan januıanyń Ardaq esimdi týysy qalyń kópshilikten kómek surady.

«Men úıi órtenip ketken otbasynyń Ardaq esimdi jeńgesi bolyp kelemin. Jaǵdaıymyz óte aýyr. Qazir anasy bes balasymen aýrýhanada jatyr. Ózi jansaqtaý bóliminde. Halyq kómektesip jiberse eken. Qandaı kómek bolsa da alýǵa daıynbyz», - deıdi Ardaq.

Eske salaıyq,  oqıǵa 18 qańtar kúni Eskeldi aýdanynyń Baqtybaı aýylynda boldy. Jeti balasy bar Altaı Isabekovtiń úıinen tilsiz jaý  túk qaldyrmaǵan.  

TJD-niń málimetinshe, órt peshten shyǵýy múmkin degen boljam bar. Qystyń sýyǵynda dalada qalǵan otbasyna jergilikti ákimdik tarapynan qandaı da bir kómek kórsetiledi me, ol jaǵy belgisiz.

Baqtybaı aýylynyń ákimi Aıdyn Isabekovtiń sózinshe, aýdan basshylyǵy atalǵan jaǵdaıdan habardar. Tıisti sheshim aldaǵy ýaqytta qabyldanatyn kórinedi.