Almaty oblysynda úıi órtengen 7 balaly otbasy baspanaly boldy
TALDYQORǴAN. QazAqparat - Almaty oblysynyń Talǵar aýdanynda 7 balaly otbasy baspanaly boldy, dep habarlaıdy QazAqparat tilshisi.
Jaqynda ǵana Panfılov aýylynda 7 balasy bar Sheńgelbaevtar otbasy jaldap turyp jatqan úı órtenip, búkil januıa baspanasyz qalǵan bolatyn. Bul jańalyq búkil halyqqa tarap, kómek qolyn sozý boıynsha birtalaı ister atqaryldy.
Jaǵdaıdy estı sala aýdan basshysy Jolan Ýmarov oqıǵa ornyna baryp, otbasyna barynsha kómek sharalaryn uıymdastyrdy. Sonymen birge eriktiler toby qurylyp, januıaǵa kómek kórsetildi.
Bul turǵyn úı 4 bólmeli, 11 sotyq jeri, monshasy, jer asty qoımasy, basqa da sharýashylyq qajettilikteri bar. Otaǵasy Baýyrjan Sheńgelbaev qurylysta jaldamaly jumys jasasa, otanasy Botagóz Baıtoqova balabaqsha tərbıeshisi. 4 balasy Panfılov aýylyndaǵy №17 mektepte oqıdy.
