Almaty oblysynda ustalǵan alaıaq júk kóliginiń júrgizýshisin tonaǵan bolyp shyqty
TALDYQORǴAN. QazAqparat - Almatyda ustalǵan alaıaq Almaty oblysynda júk kóligi júrgizýshisiniń 6 mln teńgesin urlaý isine qatysy bar bolyp shyqty, dep habarlaıdy «QazAqparat» HAA oblystyq ІІD baspasóz qyzmetine silteme jasap.
Almaty oblystyq ІІD baspasóz qyzmeti atap ótkendeı, óńirdiń polıtseıleri 12 qazanda Almatyda ustalǵan alaıaqtyń Іle aýdanyndaǵy birqatar qylmystarǵa qatysy baryn anyqtady. Polıtsııa habarlaǵandaı, 34 jastaǵy er adam Almaty oblysynda bolǵan qylmystarǵa, atap aıtqanda eki alaıaqtyq isi men bir urlyq jasaý faktisine qatysty túsinik berdi.
«Kúdiktiniń 25 maýsymda Ońtústik Qazaqstan oblysynan Іle aýdanyna kelgen júk kóligi júrgizýshisiniń tonalýyna qatysy bary dáleldendi. Zardap shegýshige kúsh kórsetý arqyly 6 000 000 teńgesin alǵan. Sondaı-aq, osy aýyldyń turǵyndaryna qatysty eki alaıaqtyq faktisi anyqtaldy», - dep túsindirdi baspasóz qyzmeti.
Qazir ustalýshy qamaýda otyr. Polıtsııa tergep jatyr.
