Almaty oblysynda úshem dúnıege keldi

TALDYQORǴAN. QazAqparat - Almaty oblysynyń Jambyl aýdanynda úshem dúnıege keldi. Jas otbasy qyzdarynyń esimin Nuraı, Aıdaı jáne Shyraı dep qoıdy, dep habarlaıdy QazAqparat tilshisi.

Tańatar Turǵanbaev pen Elmıra Ómirzaqova - Jambyl aýdany Uzynaǵash aýylynyń turǵyndary. Úshemniń ákesi - 1990 jyly, al anasy 1992 jyly týǵan. Tuńǵysh ulynyń esimi - Han. Nuraıdyń salmaǵy - 2 keli 95 gramm, boıy - 40 sm. Aıdaıdyń salmaǵy - 2 keli 60 gramm, boıy - 44 sm bolsa, Shyraı - 2 keli 20 gramm salmaqpen, boıy 40 sm bolyp týdy.

Qýanysh ıelerin birinshi bolyp aýdan ákimi Baǵdat Álıev quttyqtady. Bir mezette kópbalaly otbasy atanǵan shańyraqqa shattyq, nárestelerge uzaq ǵumyr tiledi. Qazir sábıler men anasynyń densaýlyǵy jaqsy. Olar búgin aýrýhanadan shyǵyp, úılerine qaıtty.