Almaty oblysynda ushaq apatynan aman qalǵan azamat esin jıdy
TALDYQORǴAN. QazAqparat - Almaty oblysynda ushaq apatynan aman qalǵan 35 jastaǵy Orynǵalı Zikirbaev esin jıdy. Qazir ol jansaqtaý bóliminen ár túrli jaraqat bólimine aýystyryldy, dep habarlaıdy QazAqparat tilshisi.
Apat bolǵan Balqash aýdany Jıdeli eldimekeninen jedel túrde Almaty qalasyna tikushaqpen jetkizilgen naýqasqa dárigerler shuǵyl túrde ota jasaǵan.
«Túsken kezde jambas súıek synýyna baılanysty turaqtandyrý otasy jasalǵan. Búgingi tańda naýqastyń jaǵdaıy ortasha. Esi anyq. Naýqas bólimshege aýystyryldy», - dedi Almaty qalalyq №7 aýrýhanasy bas dárigeriniń orynbasary mindetin atqarýshy Qymbat Baıjigitov.
Dárigerdiń aıtýynsha, naýqas tolyq saýyǵyp ketkenshe atalǵan emdeý mekemesinde jatady.
Esterińizge sala keteıik, 25 tamyz kúni Almaty oblysynda 4 oryndyq jeńil motorly ushaq qulap , ushqysh sol jerde qaza boldy. Al ushaqta bolǵan ekinshi adam Orynǵalı Zikirbaev aýyr halde aýrýhanaǵa jetkizilgen. Almaty mańyndaǵy Boraldaı kentinen ushyp shyqqan áýe kemesiniń, aldyn ala boljam boıynsha, qozǵaltqyshy isten shyǵyp, 100 metr bıiktikten qulaǵan.
