Almaty oblysynda ushaq apaty bolǵan orynnyń sýretteri jarııalandy
ASTANA. QazAqparat - Almaty oblysynda júgeri egistigin óńdeýge shyqqan ıAK-12 ushaǵy apatqa ushyraǵan jerde túsirilgen fotosýretter paıda boldy, dep habarlaıdy «QazAqparat» HAA tilshisi.
Eske sala ketsek, oqıǵa búgin tańerteń Panfılov aýdanynyń Sholaqaı aýylyna jaqyn jerde tirkelgen. QR IDM Azamattyq avıatsııa komıteti tergeý aıaqtalǵansha, ıAK-12 ushaqtaryn paıdalanýdy toqtatqan edi.
Oqıǵa ornyna sala mamandarynan qurylǵan komıssııa músheleri ushyp ketken. Atalmysh oqıǵa boıynsha mınıstrliktiń Kólik oqıǵalary men oqys oqıǵalardy tekserý departamenti tergeý jumystaryn bastady. Osy ýaqytqa deıin belgili bolǵandaı, apatqa ushyraǵan ıAK-12 ushaǵyndaǵy eki adam qaza bolǵan.
