Almaty oblysynda úsh jasar bala tórtinshi qabattan qulap ketti
TALDYQORǴAN. QazAqparat - Almaty oblysynda úsh jasar qyz bala tórtinshi qabattyń balkonynan qulap ketti. Oqıǵa Tekeli qalasynda bolǵan, dep habarlaıdy QazAqparat tilshisi.
«17 aqpan kúni eki ýchaskelik polıtseıden jergilikti 29 jastaǵy áıel kómek suraǵan. Anyqtalǵandaı, qolyndaǵy kishkentaı bala anasy joq kezde balkonǵa shyǵyp, tórtinshi qabattan qulap ketken. Polıtseıler balany qyzmettik kóligimen aýrýhanaǵa jetkizdi», - dedi oblystyq polıtsııa departamentiniń baspasóz qyzmetinen.
Úsh jasar balany jaǵdaıy aýyr bolǵanyna qaramastan dárigerler qutqaryp alyp qaldy. Alaıda sábıdiń jaǵdaıy sonda da aýyr. Búgin dárigerler ony Taldyqorǵannyń aýrýhanasyna aýystyrýdy josparlap otyr.
