Almaty oblysynda úsh kúnde 16 mas júrgizýshi ustaldy
TALDYQORǴAN. QazAqparat – Almaty oblysynyń polıtsııasy kólikti mas kúıde basqarǵan 16 júrgizýshini ustady, dep habarlaıdy QazAqparat tilshisi.
25-27 tamyz kúnderi Almaty oblysynyń polıtseıleri bir myńnan astam ákimshilik quqyq buzýshylyqty anyqtady. Eń óreskel quqyq buzýshylyqtyń biri sanalatyn – mas kúıde kólik quralyn júrgizýdiń – 16, jol júrý jyldamdyǵyn arttyrýdyń – 97, qaýipsizdik beldigin paıdalanbaýdyń – 143, jaıaý júrginshilerge jol bermeýdiń – 18, jaıaý júrginshilerdiń jol erejesin saqtamaýynyń – 116 deregi tirkeldi.
«Jol saqshylarynyń qyzmetindegi basty mindet – jol qaýipsizdigi. Jol-kólik oqıǵalaryna taldaý júrgizý barysynda bólimshelerdiń jol erejelerin óreskel buzý derekterin anyqtaý jáne oǵan jol bermeý boıynsha atqarǵan jumystarynyń nátıjesin kórýge bolady. Qazirgi ýaqytta jeke quram kúsheıtilgen qyzmet atqarý túrine kóshirilgenin atap ótkim keledi», - dedi Almaty oblysy PD bastyǵynyń birinshi orynbasary Serik Júnisbekov.
Sonymen qatar, tártip saqshylary jol qozǵalysynyń barlyq qatysýshylaryna jol erejesin múltiksiz oryndaý qajettigin taǵy bir márte eskertedi. Óıtkeni qaýipsizdik sharalar júrgizýshiler men olardyń jolaýshylarynyń ómiri men densaýlyǵynyń kepili ekeni anyq.
