Almaty oblysynda úsh kún ishinde 34 mas júrgizýshi ustaldy
TALDYQORǴAN. QazAqparat - Almaty oblysynda úsh kún ishinde 34 mas júrgizýshi ustaldy dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
25-27 tamyz aralyǵynda oblys aýmaǵynda «Quqyqtyq tártip» sharasy ótti. Polıtseıler 3591 ákimshilik quqyq buzýshylyqty anyqtady.
Departamenttiń baspasóz qyzmetiniń málimetinshe, jyldamdyqty asyrǵany úshin 268 quqyq buzýshy jaýapqa tartylǵan. Qarama-qarsy jolaqqa shyqqany úshin tórt adam, jaıaý júrginshige jol bermegeni úshin 75 júrgizýshige hattama toltyrylǵan. Sonymen qatar, jaıaý júrginshilerge 476 ákimshilik hattama toltyryldy.
Kólikti mas kúıde basqarǵany úshin 34 júrgizýshi ustaldy, onyń ishinde 32-si ÁQBtK-niń 608-baby boıynsha ákimshilik jaýapkershilikke tartyldy. Al ekeýine qatysty QR QK-niń 346-babynyń 1-bóligi boıynsha sotqa deıingi tergep-tekserý júrgizilýde. Óıtkeni olardy buryn sot sheshimimen kólik júrgizý quqyǵynan aıyrǵan.
25 tamyzda túnde Qaratal aýdany Ortatóbe aýylynda naýryz aıynda 3 jylǵa júrgizýshi kýáliginen aıyrylǵan «VAZ-21063» avtokóligin basqarǵan 45 jastaǵy jergilikti turǵyn ustaldy.
Qarasaı aýdanynda «Mersedes bents» avtokóligimen Aqseńgir stansasynyń 52 jastaǵy turǵyny ustaldy. Ol da buryn kólik júrgizý quqyǵynan aıyrylǵan.
Eki fakti Qylmystyq kodekstiń 346-baby 1-bóligi boıynsha sotqa deıingi tergeýdiń biryńǵaı tizilimine tirkelgen. Kúdiktilerge sotqa deıingi eshqaıda ketpeý jóninde qolhat túrinde bultartpaý sharasy qoldanyldy.
