Almaty oblysynda úsh bala terezeden qulap, bireýi mert bolǵan
TALDYQORǴAN. QazAqparat - Jyl basynan beri Almaty oblysynda úsh bala terezeden qulap, bireýi mert bolǵan, - dep habarlaıdy QazAqparat tilshisi.
Almaty oblystyq TJD bastyǵynyń orynbasary óńir boıynsha kópqabatty úıdiń terezesinen balalardyń qulap ketý oqıǵasynyń statıstıkasyn aıtty.
«2020 jyldyń 8 aıynda Almaty oblysynda 3 ret kópqabatty úıdiń terezesinen bala qulaý oqıǵasy tirkeldi. Onyń ishinde bir bala qaza boldy, ekeýi jaraqat aldy. 2018 jyly 1 bala terezeden qulap, opat bolǵan bolatyn. Al 2019 jyly 6 bala terezeden qulap ketken. Onyń bireýi qaza bolyp, qalǵany jaraqat alǵan. Balalar ár nársege qyzyǵa beredi. Sondyqtan ashyq terezeniń aldynda qaýipsizdikti oılamaıdy. Kóbene 7 jasqa deıingi balalar terezeden qulap ketip jatady. Mundaı oqıǵalar kóbinese ata-ana balalardy qaraýsyz qaldyrǵan kezde bolady», - dedi Departament bastyǵynyń orynbasary Erlan Ahashov.
