Almaty oblysynda úsh áıeldi baýyzdap óltirgen qylmyskerge úkim shyqty
TALDYQORǴAN. QazAqparat - Almaty oblysy Jambyl aýdanynyń úsh adamdy óltirdi dep aıyp taǵylǵan turǵynyna úkim shyqty, dep habarlaıdy QazAqparat tilshisi.
«Mamandandyrylǵan aýdanaralyq qylmystyq sottyń úkimimen aıyptalýshy QR Qylmystyq kodeksiniń 99-babynyń 2-bóliginiń 1-tarmaǵyna sáıkes aıypty dep tanylyp, 20 jyl merzimge bas bostandyǵynan aıyrý jazasyna kesildi», - delingen Almaty oblystyq sotynyń málimdemesinde.
Eske sala keteıik, jan túrshigerlik qandy oqıǵa ústimizdegi jyldyń 25 naýryzynda bolǵan edi. Jambyl aýdanynyń Uzynaǵash aýylyndaǵy úılerdiń birinen úsh áıeldiń denesi tabylǵan. Olardyń barlyǵy - bir otbasy músheleri bolyp shyqty. 88 jastaǵy ájeı, onyń 51 jastaǵy qyzy jáne 24 jastaǵy týys nemeresin qyzdyń jigiti aıýandyqpen pyshaqtap tastaǵan.
Kórshilerdiń aıtýynsha, Almaty-2 temirjol vokzalynyń kassasynda jumys isteıtin qyz jigitimen janjaldasyp qalady. Ashý ústinde 22 jastaǵy jigit úsh áıeldi baýyzdap tastaıdy. Artynsha ózine de birneshe jerinen pyshaq salyp, janyna batqan soń dárigerdiń kómegine júgingen.
