Almaty oblysynda úsh aýysymmen oqytatyn 34 mektep bar

TALDYQORǴAN. QazAqparat -  Taldyqorǵanda Almaty oblysynyń ákimi Amandyq Batalovtyń tóraǵalyǵymen Joldaýdy talqylaýǵa arnalǵan aktıv jıyny ótip jatyr. Alqaly jıynǵa barlyq aýdannyń ákimderi men basqarma basshylary qatysýda, dep habarlaıdy QazAqparat tilshisi.

«2017 jyly Almaty oblysynda «Nurly jol» baǵdarlamasy aıasynda 33 mektep salyndy. Barlyǵy 49 mektep úsh aýysymmen jumys isteıtin. Alaıda, halyqtyń demografııalyq ósimine baılanysty úsh aýysymdy mektep Almaty oblysy úshin ózekti bolyp tur. Jyl saıyn Jetisý jerinde 50 myńdaı náreste dúnıege keledi. Bıyl 46 myń bala mektep tabaldyryǵyn attady. Qazirgi kúni Almaty oblysynda úsh aýysymdy mektepter sany 34-ke jetti», - dedi Almaty oblysynyń ákim A. Batalov.