Almaty oblysynda úsh aýysymdy mektepter sany azaımaı tur
TALDYQORǴAN.QazAqparat - Byltyr Almaty oblysynda 33 mektep paıdalanýǵa berilgen. Alaıda úsh aýysymdy mektepter sany áli de azaımaı tur. Mundaı 27 bilim ordasy bar, dep habarlaıdy QazAqparat tilshisi.
Jalpy Almaty oblysynda 758 mektep bolsa, bilim shańyraqtarynda 373035 oqýshy oqıdy. Olarǵa 34735 muǵalim qyzmet kórsetýde. Onyń ishinde 4182-si nemese muǵalimderdiń jalpy sanynyń 12%-i jas mamandar. Joǵarǵy jáne birinshi sanattaǵy muǵalimderdiń úlesi 51,6%-ke jetti. Bilim mazmunyn jańartý sheńberinde biliktilikti joǵarylatý kýrstarynan 2017 jyly 13329 pedagog ótken. Al UBT qorytyndylary boıynsha mektep bitirýshilerdiń ortasha baly 77,3-ti qurady. 590 túlek «Altyn belgi» ıelendi, 528 oqýshy «Úzdik attestat» aldy.
Aıta ketý kerek, dál qazir Almaty oblysynyń ákimi Amandyq Batalov halyq aldynda esep berýde.
Foto: astana.gov.kz
