Almaty oblysynda úsh aýysymdy mektepter 2021 jyly joıylady
TALDYQORǴAN. QazAqparat - Almaty oblysynda qazirgi tańda oqýshylardy úsh aýysymmen oqytatyn 34 mektep bar. Máseleni sheshý úshin bıyl - 7, keler jyly 15 mektep paıdalanýǵa berilmek, dep habarlaıdy QazAqparat tilshisi.
Almaty oblysy turǵyndarynyń sany 2 mıllıonnan asyp, óńir respýblıkadaǵy halqy kóp aımaqtyń birine aınaldy. Іshki mıgratsııa men halyqtyń tabıǵı ósimi saldarynan oblystyń keıbir aýdandarynda oqýshylardy úsh aýysymda oqytýǵa týra kelip otyr.
«Bul máseleni túbegeıli sheshý úshin 2021 jylǵa deıin keshendi jospar qurylǵan. Bıyl 7 mektep paıdalanýǵa beriledi. Jáne 15 mekteptiń irgetasy qalanady. Sondaı-aq 8 bilim ordasynyń jobalyq-smetalyq qujattary rettelip jatyr. Osylaısha úsh aýysymdy mektep máselesi kezeń-kezeńimen óz sheshimin tappaq», - dedi Almaty oblysy ákiminiń orynbasary Aqan Ábdýalıev.
