Almaty oblysynda úsh aýysymdy mektep máselesi qalaı sheshiledi
NUR-SULTAN. QazAqparat – Almaty oblysynyń ákimi Amandyq Batalov óńirdegi bilim berý kórsetkishterin baıandady, dep habarlaıdy QazAqparat tilshisi.
«Bilim berý salasynda pedagogtarǵa, oqýshylar men stýdentterge qashyqtan oqý men jumys isteý tehnologııalaryn meńgerýge týra keldi. Oblys boıynsha 81 myń kompıýter satyp alýǵa 12,3 mlrd teńge bólindi, 24 myń mektep kompıýteri muqtajdarǵa ýaqytsha paıdalanýǵa berildi. Demeýshiler qarjysy esebinen qosymsha 2110 dana tehnıka berildi», - dedi A. Batalov QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda.
Sonymen birge, aımaqta jeti mektep iske qosyldy, onyń tórteýi úsh aýysymdy mektepterdiń ornyna paıdalanýǵa berildi.
«Bıyl 28 mekteptiń qurylysy josparlanǵan, onyń 19-y – úsh aýysymdy mekteptiń ornyna beriledi. 3 pen 6 jas aralyǵyndaǵy balalardy mektepke deıingi mekemelermen qamtý deńgeıi 98% jetti. Taǵy 166 balabaqsha ashyp, 2022 jylǵa qaraı qamtý deńgeıin 100%-ǵa jetkizemiz», - deıdi A. Batalov.
Buǵan deıin spıker óńirdi gazben jáne aýyz sýmen qamtý jumystary týraly aıtyp bergen edi.
