Almaty oblysynda úsh aýyldasyn pyshaqtaǵan adam ustaldy
TALDYQORǴAN. QazAqparat - Almaty oblysynyń tártip saqshylary mas kúıde úsh birdeı aýyldasyna pyshaq jaraqatyn salǵan Eńbekshiqazaq aýdanynyń 38 jastaǵy turǵynyn qamaýǵa aldy, dep habarlaıdy «QazAqparat» HAA tilshisi.
Polıtsııa qyzmetkerlerine Malybaı aýylynyń úsh turǵyny pyshaq jaraqatymen aýrýhanaǵa jetkizilgeni týraly habarlama kelip túsken. Tártip saqshylary jábirlenýshilerdi as úı pyshaǵymen jaraqattaǵan aýyl turǵyndarynyń biri ekenin anyqtady.
«Jedel izdestirý sharalary barysynda kúdikti azamat ustalyp, polıtsııaǵa jetkizildi. Mas kúıdegi kúdikti jábirlenýshilermen arada janjal shyǵarǵan. Kisi óltirý áreketi boıynsha qylmystyq is qozǵalyp, aýyr qylmystyń barlyq jaǵdaılary anyqtalatyn bolady», - dedi Almaty oblysy PD baspasóz qyzmeti.
Oqıǵa ornynan tabylǵan ashana pyshaǵy zattaı aıǵaq retinde tirkeldi. Ustalǵan azamat tergeý aıaqtalǵansha aýdandyq polıtsııanyń ýaqytsha ustaý ızolıatorynda qamaýda bolady.
