Almaty oblysynda urylar zeınetkerdiń altyn tis qaptamasyn alyp ketti
TALDYQORǴAN. QazAqparat - Almaty oblysynda 79 jastaǵy zeınetker áıeldi tonaǵandar ustaldy, dep habarlaıdy QazAqparat tilshisi.
Almaty oblystyq ІІD baspsóz qyzmetiniń málimetine sáıkes, Eńbekshiqazaq aýdanynyń polıtsııa qyzmetkerleri úsh adamnan turatyn qylmystyq topty qolǵa túsirdi. Olar Shelek aýylynda turatyn zeınetkerdiń úıine qaraqshylyq shabýyl jasap, jınap otyrǵan qarjysyn qoldy etken. Sondaı-aq tonaý barysynda kúdiktiler qarııanyń altynnan jasalǵan tis qaptamasyn da tartyp alǵan.
Jábirlenýshi maýsymnyń 16-nan 17-ine qaraǵan túni Eńbekshiqazaq ІІB Shelek bólimshesine shaǵymdanǵan. Jedel áreket etý barysynda tártip saqshylary birneshe táýlik ishinde kúdiktilerdi anyqtap, qolǵa túsirgen.
Tergeý barysynda anyqtalǵandaı, olardyń barlyǵy buryn qylmystyq jaýapkershilikke tartylǵan. Qoldy qylǵan qarjynyń biraz bóligin, ıaǵnı 33 myń teńgeni jumsap úlgergen. Al altyn tis qaptamasyn joǵaltyp alǵan.
Qazirgi tańda kúdiktiler ýaqytsha ustaý ızolıatoryna qamalyp, QR QK 192-baby boıynsha sotqa deıingi tergeý amaldary jalǵasýda.
