Almaty oblysynda urylar maldardy aýyl syrtynda soıyp áketip jatyr
TALDYQORǴAN.QazAqparat - Almaty oblysynda urylar bir úıdiń úsh birdeı sıyryn qoradan urlap, aýyldyń syrtynda soıyp áketken. Oqıǵa Panfılov aýdanyndaǵy Kerimaǵash aýylynda boldy, dep habarlaıdy QazAqparat tilshisi.
Kerimaǵash aýylynyń turǵyny Nurlan Beıseǵulovtyń aıtýynsha, sáýirdiń 2-nen 3-ne qaraǵan túni qorasynda turǵan úsh sıyryn urlap áketken.
«Eki sıyrym býaz bolǵan. Áne-mine týady dep otyrǵanbyz. Al bir sıyrym týyp buzaýy jetim qaldy. Úsh sıyrdyń basy, terisi, ishindegi buzaýlary, ishek-qaryny bári aýyldyń syrtynda jatyr. Polıtsııalar kelip túsirip, izderdi qarap. Іzdestiremiz dep ketti», - deıdi Nurlan Beıseǵulov.
Al sol aýyldyń turǵyny Orazaqyn Omashev ta sáýirdiń 4-i kúni taıynshamdy qoradan urlap áketti deıdi. Kerimaǵash aýyly halqynyń aıtýynsha, urylar maldardy aýyldyń shetine shyǵar-shyqpastan soıyp áketýdi ádetke aınaldyrǵan.
«Kerimaǵash aýylyndaǵy mal urlyǵyna qatysty qazirgi ýaqytta qylmystyq is qozǵalyp, QR QK 188-babyna sáıkes sotqa deıingi tergeý amaldary júrgizilip jatyr. Qazirgi ýaqytta osy qylmysqa qatysy bar tulǵalardy anyqtaýǵa arnalǵan jedel izdestirý sharasy uıymdastyrylýda» - dedi Almaty oblystyq Polıtsııa departamentiniń baspasóz hatshysy Serik Úpıev.
Posmotret etý pýblıkatsııý v InstagramAlmaty oblysy Panfılov aýdany Kerimaǵash aýylynda bolǵan jaǵdaı😡
Aýylda malmen jan baqqan halyq urylardyń tabylatynyna kúdikpen qaraıdy. Sebebi, jeltoqsan aıynda da týra osylaı malymdy aýyldyń shetine shyǵaryp soıyp áketti deıdi Jaıyq Beıseǵulov. Biraq urylar qolǵa túspedi dep ashýly. Al qazir mal urlyǵynyń ashý deregi qatań qolǵa alyndy degen oblystyq polıtsııa departamenti sońǵy 20 kúnde 70 jýyq urlanǵan mal ıesine qaıtarylǵanyn jetkizdi.
