Almaty oblysynda ury zıratty tonap jatqan jerinen ustaldy
TALDYQORǴAN. QazAqparat - Almaty oblysynyń Talǵar qalasynda polıtsııa qyzmetkerleri zırattardyń qorshaýlaryn urlap kelgen 34 jastaǵy azamatty qolǵa túsirdi, dep habarlaıdy QazAqparat tilshisi.
«Kúdiktini polıtseıler 102 telefon nomerine soǵylǵan qońyraýdan keıin, qylmys ústinde tutqyndady. Tártip saqshylary oqıǵa ornyna jetken kezde, tórt beıitten buzylyp alynǵan shoıyn qorshaýlardyń kólikke tıelip, alyp ketýge daıyn turǵanyn kórgen. Polıtsııa qyzmetkerlerin kóre salǵan kúdikti qasha jónelgen. Biraq qylmys jasaǵan ornynan alysqa uzamaı tutqyndalady. Tekserý barysynda ustalǵan azamat jarty jyl buryn qalalyq zırattyń jumysshysy bolyp qyzmet etkeni anyqtaldy», - dedi oblystyq ІІD baspasóz qyzmetinen.
Qazirgi tańda Talǵar qalasynyń turǵyny qamaýǵa alyndy. Sondaı-aq Talǵar qalalyq ishki ister bólimine 3 jergilikti turǵyn týystarynyń beıitiniń buzylǵany týraly aryz túsirgen. Osy fakti boıynsha qylmystyq tergeý júrip jatyr.
