Almaty oblysynda urlanǵan 17 jylqy mal bazarynan tabyldy
TALDYQORǴAN. QazAqparat - Almaty oblysynda urlanǵan 17 jylqy mal bazarynan tabyldy, dep habarlaıdy QazAqparat tilshisi.
Almaty oblystyq polıtsııa departamenti baspasóz qyzmetiniń málimetinshe, 9 qazanda Jambyl aýdany polıtsııa bóliminiń kezekshi bólimine Keńsaı aýylynyń 76 jastaǵy turǵyny aryzdanyp, 2 qazannan 3 qazanǵa qaraǵan túni jaıylymnan 17 jylqysynyń urlanǵanyn aıtqan. Shyǵynnyń jalpy kólemi 12 mln teńgeden astam qarjyǵa baǵalanǵan.
Atalǵan derek QR QK 188-babynyń 4-bóligi 2-tarmaǵy boıynsha tirkeldi.
«Birlesken keń aýqymdy jedel-izdestirý sharalarynyń barysynda kórshiles Jambyl oblysynyń Taraz qalasyndaǵy mal bazarynan jábirlenýshi tanyǵan, urlanǵan 11 jylqy tabylyp, tárkilendi. Іzdeýdi jalǵastyrǵannan keıin Túrkistan oblysy Saıram aýdanynyń Arys aýylynan jábirlenýshi tanyǵan taǵy eki jylqy tabylyp, tárkilendi. Alypsatarlar anyqtalyp, olar arqyly taǵy eki qulyn men bıe Taraz qalasyndaǵy jeke tulǵalardan tabyldy. Іzdeý bastalǵannan keıingi ekinshi kúni polıtsııa qyzmetkerleri 17 jylqyny urlaǵanyn moıyndaǵan Jambyl aýdany Qaraqastek aýylynda turatyn QHR 37 jastaǵy týmasyn taýdaǵy jaıylymnan ustady» deıdi Jambyl APB bastyǵy, polıtsııa polkovnıgi Ashat Tegenbaev.
Barlyq mal zańdy ıesine qaıtaryldy.
Kúdikti ýaqytsha ustaý oqshaýlaǵyshyna qamaqqa alyndy. Jedel ýákilder ustalǵan adamnyń basqa da osyǵan uqsas qylmystarǵa qatysy bar-joǵyn tekserip jatyr.
