Almaty oblysynda «Umaı Ana» úıirmesiniń fılıaldary ashyldy
Joba Elbasynyń «Bolashaqqa baǵdar: rýhanı jańǵyrý» atty maqalasynan týyndap otyr. Joǵary oqý ornynyń brıgadasy óziniń tanymdyq saparyn okrýgtiń Aqtuma aýylynan bastady. Ol aldymen Petropavl orta mektebinde aıaldap, ýnıversıtettiń «Umaı Ana» úıirmesiniń fılıalyn ashty. Osyǵan baılanysty Qazaq memlekettik qyzdar pedagogıkalyq ýnıversıteti Tárbıe jáne áleýmettik jumystar jónindegi departamentiniń dırektory Jańagúl Sultanova men mektep dırektory Baýyrjan Ibraıymova kelisimge qol qoıdy.
Budan keıin brıgada músheleri aýyl turǵyndary aldynda ónertaný ǵylymynyń múmkindikteri men salalary, mektep oqýshylarynyń ata-ana men muǵalim, qorshaǵan ortaǵa degen qarym-qatynasyn jaqsartýdyń joldary men tásilderi týraly dárister oqydy. Sońynan kontsert qoıyldy.
Kelesi kúni mundaı kezdesý okrýgtiń Cherkassk aýylynda ótti. Munda da brıgada músheleri jergilikti mektepke at basyn buryp, «Umaı Ana» úıirmesiniń fılıalyn ashý rásimin jasady. Osy jerde aýyl turǵyndary men mektep ujymynyń basy qosylǵan jıyn ótkizilip, onda brıgada músheleri Jańagúl Sultanova, Aınur Dosmaǵambetova dáris oqydy. Al Marına Muhtar «Umaı Ana» úıirmesiniń atqaratyn jumystary jaıly keńinen baıandap berdi.
Kezdesý barysynda ýnıversıtettiń kitaphana bóliminiń meńgerýshisi Maırash Ákimjanova jınalǵandardy Rýhanı jańǵyrý taqyrybynda jaryq kórgen 17 kitaptyń mazmunymen tanystyrdy.
Brıgada óz saparlaryn Qarǵaly aýylynda aıaqtady. Munda da mektep ujymymen kelisim jasalyp, «Umaı Ana» úıirmesiniń fılıaly ashyldy. Ýnıversıtet oqytýshylary dárister oqyp, «Tomırıs» bı ansambli kontsert qoıdy.
