Almaty oblysynda uly týǵan ákesiniń basyn et tartqyshpen jardy
TALDYQORǴAN. QazAqparat - Almaty oblysynda 23 jastaǵy azamat týǵan ákesiniń bas súıegin syndyrdy degen kúdikke ilindi. Oqıǵa 11 qańtar kúni Kerbulaq aýdanyndaǵy Qoǵaly aýylynda bolǵan, dep habarlaıdy QazAqparat tilshisi.
Qazir zardap shekken 46 jastaǵy azamat aýdandyq aýrýhanada jatyr. Anyqtalǵandaı, ákesi men balasy sózge kelispeı qalǵan, sol kezde uly otaǵasynyń basynan et tartqyshpen urǵan. As úıdiń zaty iske aıǵaq retinde tirkeldi.
«Osy fakti boıynsha kúdiktiniń ústinen QR QK 106-baby (Densaýlyqqa qasaqana aýyr zııan keltirý) boıynsha is qozǵaldy. Tergeýmen Kerbulaq aýdandyq ІІB-niń tártip saqshylary aınalysýda. Kúdikti qamaýǵa alyndy», - dep málim etti oblystyq ІІD-niń baspasóz qyzmetinen.
Polıtseılerdiń málimetinshe, 23 jastaǵy azamat buǵan deıin de birneshe ret qylmystyq jaýapkershilikke tartylǵan eken.
