Almaty oblysynda Ulttyq ulan sarbazy ózin atyp óltirdi
TALDYQORǴAN. QazAqparat - Almaty oblysynda QR Ulttyq ulan sarbazy ózin jaraqattaý saldarynan qaıtys boldy. Ol túngi kúzette júrip ózine oq atqan, dep habarlaıdy QazAqparat tilshisi.
QR Ulttyq ulan «Ońtústik» óńirlik qolbasshylyǵynyń baspasóz qyzmetinen habarlaǵandaı, oqıǵa 23 qańtarda túnde oryn alǵan.
«2019 jyldyń 23 qańtarynda shamamen túngi 01 saǵat 35 mınýtta ishki kúzette qyzmetin ótep júrgen qatardaǵy jaýynger Ulasbek Kenjebekuly Qojan ózine berilgen qarýmen basynan atyp jaralap, qaıtys boldy», - deıdi vedomstvonyń baspasóz qyzmeti.
Qaıtys bolǵan sarbaz 2018 jyldyń maýysymynda Astana qalalyq qorǵanys isteri departamentinen ásker qataryna shaqyrtylǵan.
Bul oqıǵa Almaty Áskerı-tergeý basqarmasyna tirkelgen, tergeý sharalary jalǵasyp, qyzmettik tekserister belgilengen. Ázirge oqıǵaǵa ne sebep bolǵany anyqtalý ústinde.
Qazaqstan Respýblıkasy Ulttyq ulannyń «Ońtústik» óńirlik qolbasshylyǵy marqum bolǵan qatardaǵy sarbazdyń týystary men jaqyndaryna kóńil aıtady.
