Almaty oblysynda ýaqytsha panajaıdaǵy ıtterdi jappaı ýlap óltirgen

ALMATY. QazAqparat- Almaty mańynda úı janýarlaryna arnalǵan oryndardyń birinde ıtter jappaı ýlandy. Saldarynan segiz ıt óldi. Polıtsııa tekserýdi bastady, dep habarlaıdy QazAqparat tilshisi.

Úı janýarlarynyń jappaı ýlanýy týraly aqparat áleýmettik jelide paıda boldy.

«Qıyn jaǵdaı boldy. Munda kósheden ákelinip, emdelgen ıt kóp. Olardyń báriniń kýratory, jeke tólqujaty men chıpteri bar. Keshe polıtsııa men taǵy bireý keldi. Olar ıtterdi solarǵa berýdi talap etti. Itterdiń bári jeke menshikte edi», – dep jazady ıtterge arnalǵan ýaqytsha panajaıdyń ákimshiligi.

Almaty oblysy Talǵar aýdandyq polıtsııa basqarmasy atalǵan derekti tergeý amaldaryn bastady.

«It ıesi Talǵar aýdanynyń polıtsııasyna tıisti aryzben júgindi. Fakt boıynsha QR QK 316-babynyń 3-bóliminde kózdelgen tergeý amaldary bastaldy. Qylmysqa qatysy bar adamdardy anyqtaý boıynsha jedel-izdestirý is-sharalary júrip jatyr. Ólgen ıtter saraptamaǵa jiberildi»,- dep habarlady Talǵar aýdandyq polıtsııa basqarmasynan.