Almaty oblysynda TJ tártibin buzǵan kompıýterlik klýb ıesi jaýapqa tartyldy
TALDYQORǴAN. QazAqparat - Almaty oblysynda tótenshe jaǵdaı tártibin buzǵan kompıýterlik klýb ıesi ákimshilik jaýapkershilikke tartyldy, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, tártip saqshylary Kerbulaq aýdanynyń ortalyǵy Saryózek kentinde túngi mezgilde patrýldeý barysynda tótenshe jaǵdaıǵa baılanysty tyıym salynǵanyna qaramastan jumys jasap turǵan vırtýaldy oıyn klýbyn anyqtaǵan. Tekserý barysynda klýbta 10-nan astam adamnyń bolǵany belgili boldy.
Elimizdegi tótenshe jaǵdaıǵa baılanysty kóńil-kóterý oryndarynyń, onyń ishinde oıyn klýbtarynyń, túngi klýbtardyń jáne kompıýterlik klýbtardyń qyzmetine tolyǵymen shekteý qoıylǵan. Degenmen, 1984 jyly týǵan jergilikti turǵyn qoıylǵan talaptardy buzǵany anyqtaldy. Quqyq buzýshyǵa túsindirý jumystary júrgizilip, QR ÁQbK 476-babynyń 3-tarmaǵyna sáıkes ákimshilik hattama toltyryldy.
Atalǵan derekke qatysty is materıaldary sotqa joldanyp, quqyq buzýshyǵa 10 AEK mólsherinde, ıaǵnı 26510 teńge aıyppul salyndy.
