Almaty oblysynda TJ rejımin buzǵan 28 adam qamaýǵa alyndy
TALDYQORǴAN. QazAqparat – Almaty oblysynda shekteý sharalaryna qaramastan tótenshe jaǵdaı rejımin buzǵandar kóbeıip barady. Óńirde tártip buzǵan 28 azamat qamaldy, dep habarlaıdy QazAqparat tilshisi.
Budan bólek 7 azamat ákimshilik jazaǵa tartylyp, aıyppul salyndy. Taǵy bir azamatqa eskertý jasaldy.
Almaty qalasyna 22 naýryzdan bastap kirip-shyǵýǵa tyıym salynǵanyna qaramastan keıbir azamattar megapolıske baratyn jańa joldar izdestirýin toqtatpaı jatyr. Osylaısha olar óz bastaryn qaýipke tigip, koronavırýstyń basqa eldi-mekenderge taralyp ketýine qolaıly jaǵdaı týǵyzýda. Almaty oblystyq polıtsııa departamentiniń baspasóz qyzmeti tártip buzǵan azamattarǵa qatań sharalar qoldanylatynyn eskertedi.