Almaty oblysynda túzetý mekemesiniń 10 qyzmetkeri qatań tártiptik jazaǵa tartyldy
TALDYQORǴAN. QazAqparat - Almaty oblysynda túzetý mekemesinde «sottalýshylar esirtki shekti» degen beınejazba boıynsha 10 qyzmetker qatań tártiptik jazaǵa tartyldy, - dep habarlaıdy QazAqparat tilshisi.
«Bul fakti boıynsha sotqa deıingi tergeý bastaldy. Esirtkige uqsas zat saraptamaǵa jiberildi. Іshki qaýipsizdik qyzmeti tarapynan qyzmettik tekserý bastaldy. 10 qyzmetker qatań tártiptik jaýapqa tartyldy. Túzetý mekemesiniń basshysyn qyzmetten bosatý usynyldy», - dedi Qylmystyq-atqarý júıesi Almaty oblystyq departamentiniń basshysy Serik Ádikárimov.
Esterińizge sala keteıik, buǵan deıin Almaty oblysyndaǵy túzetý mekemeleriniń birinde sottalýshylar jappaı esirtki paıdalanyp jatyr delingen beınejazba áleýmettik jelige taraǵan bolatyn. Vıdeoda avtor jazasyn ótep jatqandar týǵan kún toılap, birneshe jerde esirtki qoldanyp, máre-sáre bolyp jatqanyn jetkizedi.
Qazirgi tańda osy fakti boıynsha tergep-tekserý jumystary jalǵasýda. Sottalýshylardy tintý barysynda jasyl tústi esirtkige uqsas zat tabyldy.
