Almaty oblysynda týysyn basynan atyp óltirgen kúdikti ustaldy
TALDYQORǴAN.QazAqparat - Almaty oblysynda óziniń týysyn óltirdi degen kúdikpen 36 jastaǵy turǵyn ustaldy, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, qarashanyń 2-i kúni Eńbekshiqazaq aýdanynyń Bólek aýylyndaǵy jer úılerdiń birinen 41 jastaǵy er adamnyń múrdesi tabylǵan. Mert bolǵan azamat Esik qalasynyń turǵyny ekeni anyqtaldy.
Tekserý barysynda, jábirlenýshi basyna tıgen bytyra oǵynan qaza tapqany belgili boldy. Jedel izdestirý kezinde kúdikti ustalyp, qamaýǵa alyndy.
«Qylmysqa qatysy bar degen kúdikpen birneshe saǵattyń ishinde jábirlenýshiniń týysy ustaldy. Onyń sózinshe, týysy ekeýiniń arasynda qyzǵanyshtan urys bastalyp, sońy ólimmen aıaqtalǵan. Tergeýge aıaǵaq zat retinde esh jerde tirkelmegen 16 kalıbrly sholaq ańshy myltyǵy tárkilendi», - dep málimdedi atalǵan vedomstvonyń baspasóz qyzmetinen.
Kúdikti ýaqytsha ustaý ızolıatoryna qamaldy. Onyń ústinen QR QK 99-baby ıaǵnı, adam óltirý faktisi boıynsha sotqa deıingi tergeý júrip jatyr.
