Almaty oblysynda túrmede jazasyn óteýshi 3 jyldaı ınternet arqyly alaıaqtyqpen aınalysqan

QONAEV. QazAqparat – Almaty oblysynyń prokýratýrasy №12 túzeý mekemesinde jazasyn óteýshiniń ınternet arqyly alaıaqtyq jasaýmen aınalysqandyǵyn anyqtady. Bul týraly QazAqparat atalǵan organnyń resmı saıtyna silteme jasap habarlaıdy.

Ol 2020 jyldyń maýsym aıynan 2023 jyldyń qańtar aıyna deıin túzeý mekemesi jaǵdaıynda uıaly telefondar men uıaly operatorlardyń túrli sım-kartalaryn paıdalaný arqyly 25 mln teńgeden astam somaǵa 200-ge jýyq alaıaqtyq is-qımyl jasaǵan.

Mamandandyrylǵan prokýratýra bul derekti 2 naýryzda QR QK 4-tarmaǵynyń 190-baby 3-bóligi («Alaıaqtyq») boıynsha kózdelgen quqyq buzýshylyq quramy belgileri boıynsha tirkep, Qonaev qalasy PB tergeý bólimshesine berdi.

Tergeý is-qımyldaryn júrgizý barysynda sottalǵannan 2 uıaly telefon jáne 41 sım-karta tárkilendi. Ol osy arqyly vatsappen qońyraý shalyp, hat jazyp otyrǵan.

Qazirgi ýaqytta sottalǵandar jasaǵan basqa da quqyq buzýshylyqtardy anyqtaý úshin oblysta jáne ózge óńirlerine qatysty derekter bazasyna monıtorıng júrgizilip jatyr.

Túzeý mekemesi qyzmetkerleriniń áreketsizdik faktileri QR QK 370-babynyń 2-bóligi («Qyzmet boıynsha áreketsizdik») boıynsha tirkelip, Almaty oblysy Sybaılas jemqorlyqqa qarsy qyzmet departamentine joldandy.