Almaty oblysynda týrızmdi damytýdyń 11 jobasy júzege asyrylýda

ASTANA. QazAqparat - Almaty oblysynda týrızmdi damytýdyń 11 joba júzege asyrylýda. Bul týraly Óńirlik kommýnıkatsııalar qyzmetinde ótken brıfıng barysynda Almaty oblysynyń ákimi Amandyq Batalov aıtty.

57-qadam sheńberinde týrızm salasynda strategııalyq ınvestorlar tartýǵa qatysty «zákirli» jobalar tizimine «Aqbulaq» halyqaralyq týrıstik ortalyǵy kirdi, ınvestory - sıngapýrlyq «Steppe Capital» AQ. Ýchaske alańy 800 ga, onyń ishinde joba iske asyrylatyn jer - 170 ga. Jobanyń quny - 90 mlrd.teńge.

Jobany júzege asyrý aıasynda Talǵar aýdanynda «Aqbulaq» shıpajaı-saýyqtyrý keshenine aparatyn «Birlik-Almalyq-Rysqulov-Qazstroı-Aqbulaq» avtojolynyń qurylysy júrgizilýde.

Alakól kólinde jaǵajaı jáne saýyqtyrý týrızmin damytý úshin «Falcon Petroleum», «AQUAMARINE resort» JShS, «Karımov» JK ınvestorlary tartyldy, olar 400 oryndy bes juldyzdy qonaq úı jáne 500, 300 oryndy qonaq úı keshenderin salýda.

Týrısterdi jaıly jetkizý úshin «Almaty-Jetigen-Aqshı-Dostyq» temirjol qatynasy jumys jasaıdy, ol jergilikti bıýdjetten sýbsıdııalanady, bıylǵy jyly Úsharal qalasynda áýejaı qurylysy bastalady.

Alakól kólindegi demalys bazalaryna 600 mln teńgege 93,8 shaqyrym elektr jetkizý jelileri tartyldy, 1,9 mlrd teńgege uzyndyǵy 23,8 shaqyrym avtomobıl joldaryn qaıta jańǵyrtý aıaqtalýda.

Sondaı-aq, Aqshı aýylynda týrısterge qyzmet kórsetý úshin zamanaýı quraldarmen jáne reanımobılmen jaraqtandyrylǵan dárigerlik ambýlatorııalar qurylysy júrgizilýde.

Oblysta jalpy 233 mlrd teńgeniń 11 jobasy júzege asyrylyp jatyr.