Almaty oblysynda týrıstik polıtsııa qytaı tilinde de qyzmet kórsetedi
TALDYQORǴAN. QazAqparat - Almaty oblysynda týrıstik polıtsııa bólimshesi jumysqa kiristi. Bólimshede memlekettik tilden bólek, aǵylshyn, orys jáne óńirdiń Qytaımen shekaralasatynyn eskere otyryp, qytaı tilin erkin meńgergen qyzmetkerler de jumys isteıdi. Bul týraly QazAqparat tilshisi oblystyq Polıtsııa departamentiniń baspasóz qyzmetine silteme jasap habarlaıdy.
Málimetke qaraǵanda, jańadan qurylǵan polıtsııa bólimshesindegi ofıtserlik quramnyń shtattyq sany 5 birlikten turady. «Týrıstik polıtsııa quramyna engen qyzmetkerler muqııat irikteýden ótti, zańnamany jáne shet tilderin jaqsy meńgergen. Olar elimizdiń tarıhyn da jaqsy biledi, áńgimeshil, ashyq. Árqaısysy memlekettik tilden bólek, aǵylshyn jáne orys tilderin jaqsy meńgergen. Sonymen qatar, óńirimiz Qytaı Halyq Respýblıkasymen shektesetinin eskere otyryp, bólimsheniń bir qyzmetkeri qytaı tilin erkin meńgergen. Barlyǵy vıdeotirkeýishtermen, ratsııalarmen, planshettermen, formalyq keýdeshe jáne basqa da qajetti zattarmen jabdyqtalǵan. Jeke avtokólikteri de bar», - delingen baspasóz baıanynda.
Aıta keteıik, elimizdiń bes óńirinde qyzmet etetin týrıstik polıtsııanyń mindeti sheteldik azamattarmen jumys isteý. ıAǵnı týrıster men qonaqtardy qyzyqtyratyn máselelerge jaýap berý, olardyń Qazaqstandaǵy qaýipsizdigin qamtamsyz etý bolyp otyr.
«Týrıstik polıtsııa Alakól aýdanynda arnaıy aqparattyq júıeleri, tehnıkalar men baılanys quraldary bar stantsıonarlyq bekette jumys isteı bastady. Alakól sońǵy jyldary sheteldikter kóp keletin orynǵa aınaldy. Almaty oblysynda sheteldik týrıster jıi keletin basqa da nysandar jetkilikti», - dedi baspasóz qyzmetinen.
