Almaty oblysynda týrısterge jasalǵan shabýyldyń mán-jaıy anyqtaldy
ALMATY. QazAqparat - Almaty oblysy Aqsý aýdanynyń Qapal aýylynda týrısterge jasalǵan shabýyldyń egjeı-tegjeıi belgili boldy, dep habarlaıdy QazAqparat tilshisi.
«16 tamyz kúni ekspedıtsııa qatysýshylary jolazyq satyp alý úshin Qapal aýylyndaǵy «Arýjan» dúkeniniń aldyna toqtaǵan. Dúken qasynda turǵan belgisiz er adamdar olarǵa shabýyldap, jaraqat keltirgen. Jábirlenýshilerdiń shaǵymy boıynsha shuǵyl túrde sotqa deıingi qylmystyq tergeý isi qozǵaldy», - dep málimdedi Almaty oblystyq týrızm basqarmasynyń ókilderi.
Shedel-izdestirý sharalarynyń barysynda 16 tamyz kúni keshkisin úsh jergilikti turǵyn ustaldy.
Almaty oblystyq týrızm basqarmasy «Kazakh Tourism» ulttyq kompanııasynyń mundaı qylmystarǵa tózbeý týraly úndeýine qoldaý bildirdi.
«Týrızm salasynda qaýipsizdik máselesi Qazaqstan Respýblıkasynda týrızmdi damytýdyń memlekettik baǵdarlamasynda kórsetiletin kezek kúttirmeıtin mindetterdiń qataryna kirgizilýi qajet. Sondaı-aq ishki ister, mádenıet jáne sport mınıstrlikteri arasyndaǵy vedomstvoaralyq jospardy shuǵyl túrde qabyldaý qajet», - deıdi basqarma ókilderi.
Eske sala keteıik, Qapal aýylynda 6 adam soqqyǵa jyǵylyp, aýrýhanaǵa túsken bolatyn. Biraq olardy aýrýhanada qaldyrýǵa qajettilik bolmaǵan.
