Almaty oblysynda týrısterdi uryp-soǵyp, tonap ketti
TALDYQORǴAN. QazAqparat - Almaty oblysynda týrısterdi tonaý deregi «izi sýymaı» ashyldy, - dep habarlaıdy QazAqparat tilshisi.
Jergilikti eki turǵyn ashyq túrde kúsh qoldaný arqyly saıahatshylardyń biriniń 13 myń teńge kólemindegi aqshasyn qoldy qylyp, ekinshisin soqqyǵa jyqqan.
Almaty oblystyq Polıtsııa departamenti baspasóz qyzmetiniń málimetinshe, oqıǵa 9 maýsym kúni bolǵan. Eńbekshiqazaq aýdandyq polıtsııa basqarmasy Shelek polıtsııasynyń kezekshi bólimine Sharyn shatqalynyń sulýlyǵyn kórý úshin velosıpedpen saıahatqa shyqqandar kelip aryzdanǵan. Almaty qalasynyń ınternet qoǵamdastyǵynyń 47 jáne 20 jastaǵy saıahatshylaryna «Almaty-Kókpek-Kóktal» avtojolynyń 76-shaqyrymynda belgisiz eki er adam shabýyl jasaǵan. Atalǵan derek QR QK-niń 191-baby 2-bóligi 1,3-tarmaǵy boıynsha tirkeldi.
Polıtsııa qyzmetkerleri tez arada izdestirý jumystaryn júrgizip, 27 jáne 30 jastaǵy Báıdibek bı aýylynyń eki turǵynyn ustady. Olar usynylǵan dáleldemelerden keıin ózderiniń kinásin tolyq moıyndady. Kúdiktiler qamaýǵa alyndy.
«Sotqa deıingi tergeý Shelek polıtsııa bóliminiń tájirıbeli tergeýshisine tapsyryldy. Ol bir táýlik ishinde saraptama taǵaıyndap, barlyq tergeý áreketterin júrgizdi. Ustalǵandarǵa múlki tárkilenip, úsh jyldan jeti jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrý jazasy qoldanylýy múmkin», - dedi Eńbekshiqazaq APB Shelek polıtsııa bólimi bastyǵynyń orynbasary Dıdar Bazarbaev.
Kúdiktiler mingen «Vaz 21014» avtokóligi qylmys jasaýdyń qosalqy quraly retinde sot sheshimine deıin arnaıy turaqqa qoıyldy.
Іs materıaldary sotqa jiberiletin bolady.
