Almaty oblysynda týrıster mingen kólik aýdaryldy
TALDYQORǴAN. QazAqparat - Almaty oblysynyń Tekeli qalasynda týrıster mingen kólik aýdarlyp, 4 adam aýrýhanaǵa tústi, dep habarlaıdy QazAqparat tilshisi.
"2018 jyldyń 3 maýsymynda Almaty oblysy TJD Jedel-qutqarý jasaǵynyń kezekshi pýltine Tekeli qalasynyń Cherkasaı shatqalynda 12 týrısi bar GAZ-66 avtokóligi aýdarylǵany týraly aqparat tústi. Onyń ishinde 4 adam aýyr jaraqat alǵan. Saǵat 15:40-ta Jedel-qutqarý jasaǵy Kamaz-Nefaz avtokóligimen oqıǵa ornyna bardy. Qutqarýshylar zardap shekkenderge alǵashqy kómek kórsetip, Tekeli qalalyq aýrýhanasyna jetkizdi", - dep málim etti oblystyq TJD baspasóz qyzmeti.
