Almaty oblysynda turǵyndar kólikke malyn tıep, jaıylym izdep júr
Aýylda mal baǵatyn jer joq degen Kóksý aýdanyna qarasty Jambyl aýylynyń halqy kórshi aýylǵa mal jaıý úshin ony áýpirimdep kólikke tıep, jiberip jatyr. Kólik ıesi árbir mal basyna 2 myń teńgeden alady. Aýyl halqy úshin bul qyp-qyzyl shyǵyn. Tipti mal alysqa baryp jaıylsa, oǵan tólenetin tólem de kóbeıedi.
«Jurttyń maldaryn tıep, jaıylymǵa aparamyn. Reısine 20-25 myńnan alamyn. Aýyldyń kisilerinen kóp almaımyn. Áıtpese ol 60-70 shaqyrymdyq jer», - dedi Kóksý aýdanyna qarasty Jambyl aýylynyń turǵyny Ájen Ahýnjan.
Ákimdiktiń málimetinshe, Jambyl aýyly boıynsha 850 bas iri qara, 2,5 myń qoı, 200-den asa jylqy bar. Al jaıylymdyq myń jarym gektarǵa jýyq. «Biraq mal basynyń ósýine baılanysty jer jetpeı jatyr. Máseleni sheshý joldaryn qarastyryp jatyrmyz», - deıdi olar.
