Almaty oblysynda turǵyn úı kesheniniń bir bóligi karantınge jabyldy
TALDYQORǴAN. QazAqparat – Almaty oblysynda «Asyl-Arman» turǵyn úı kesheninde 6-shy úıdiń 4-shi podezi karantınge jabyldy, dep habarlaıdy QazAqparat tilshisi.
Almaty oblystyq Taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Qaırat Baımuhambetovtiń málimetinshe, koronavırýs juqtyrǵan adamdardyń biri osy turǵyn úı kesheninde turatyndyqtan osyndaı shara qolǵa alyndy.
4-kireberis turǵyndaryna páterlerin tastap ketýge, qonaq qabyldaýǵa tyıym salynady. Sondaı-aq, jumysy bar azamattar qalyptasqan jaǵdaı boıynsha basshylaryn eskertip qoıýǵa mindetteldi. Karantın 14 kúnge jalǵasady. Qajet bolǵan jaǵdaıda uzartylýy múmkin.
Sondaı-aq, zalalsyzdandyrý jumystary Іle aýdanynyń Kókqaınar jáne Jambyl aýdanynyń Aqqaınar aýyldarynda da júrgiziledi. Sebebi bul eki aýyl koronavırýs anyqtalǵan eki azamattyń turǵylyqty mekeni.
Eske salsaq, Almaty oblysynda koronavırýstyń 4 jaǵdaıy tirkeldi. Elimiz boıynsha naýqastar sany – 204.
