Almaty oblysynda túnde jalǵyz júrgen 155 bala anyqtaldy
TALDYQORǴAN. QazAqparat - Almaty oblysynyń aýmaǵynda júrgizilgen «Profılaktıka» jedel aldyn alý is-sharasy barysynda túngi ýaqytta oıyn-saýyq oryndarynda nemese úıinen tys jerde júrgen 155 bala anyqtaldy, dep habarlaıdy QazAqparat tilshisi.
Almaty oblystyq PD baspasóz qyzmetiniń málimetinshe, «Profılaktıka» is-sharasynyń negizgi maqsaty - alkogoldik mas kúıde jasalatyn nemese turmystyq zańbuzýshylyqtardyń aldyn alý, ásirese jasóspirimder arasyndaǵy qylmystardy boldyrmaý.
«Oblys boıynsha túngi ýaqytta kámelet jasyna tolmaǵan jasóspirimderdiń zańsyz kelýine jol bergen 7 kóńil kóterý orny anyqtalyp, olarǵa hattama toltyryldy. Sondaı-aq, jedel aldyn alý is-sharasy kezinde tártip saqshylary 1244 ákimshilik zańbuzýshylyqty anyqtap, jaýapkershilikke tartty», - dep atap ótti oblystyq jergilikti polıtsııa qyzmeti basqarmasynyń ókili, polıtsııa maıory Dáýlet Smaqov.
Aıta keteıik, Almaty oblysynyń polıtseıleri 23 - 27 qańtar aralyǵynda «Profılaktıka» jedel aldyn alý is-sharasy aıasynda óńirdegi qoǵamdyq oryndardaǵy tártipke, ásirese jasóspirimderdiń áreketterine jiti nazar aýdaratyn bolady.
