Almaty oblysynda týǵan ulynan taıaq jegen ana aýrýhanaǵa tústi
TALDYQORǴAN.QazAqparat - Almaty oblysynda týǵan ulynan taıaq jegen 67 jastaǵy ana aýrýhanaǵa tústi. Oqıǵa Raıymbek aýdanyndaǵy Kegen aýylynda bolǵan, dep habarlaıdy QazAqparat tilshisi.
Oblystyq ІІD baspasóz qyzmetiniń məlimetinshe, 18-shi jeltoqsan kúni jergilikti medıtsına qyzmetine 67 jastaǵy turǵyn júgingen. Biraq jəbirlenýshi kimnen taıaq jegeni jaıly tis jarmaǵan. Osyǵan qaramastan polıtseıler egde jastaǵy əıel adamdy týǵan uly urǵanyn anyqtady. Qazir 1975 jylǵy er adam ustalyp, ústinen qylmystyq is qozǵaldy.
«Raıymbek aýdandyq ІІB tergeýdi jalǵastyrýda.Ustalǵan azamat qolhatpen jiberildi», - dep məlim etti oblystyq ІІD baspasóz qyzmeti.
Məlim bolǵandaı, 42 jastaǵy er adam óziniń týǵan anasyn ishimdik iship alyp urǵan. Al qatty soqqy alǵan 67 jastaǵy ananyń mıy shaıqalǵan.
