Almaty oblysynda toıǵa kelgen úsh adam pyshaq jaraqatyn aldy
TALDYQORǴAN. QazAqparat - Almaty oblysynda úılený toıynda janjal shyǵyp, úsh jigit pyshaq jaraqatyn aldy, dep habarlaıdy QazAqparat tilshisi.
Almaty oblystyq Polıtsııa departamentiniń baspasóz qyzmetinen málim etkendeı, oqıǵa Talǵar aýdanyndaǵy Besaǵash aýylynda bolǵan. Jábirlenýshilerdiń birine pyshaq ishine jáne ókpesine tıgen. 30 jastaǵy er adam birden Almaty qalasyndaǵy aýrýhanaǵa jetkizildi. Qalǵan ekeýi ıyqtaryna jaraqat alǵan. Úsh adamnyń densaýlyǵyna zaqym keltirgen qaskóı birden oqıǵa ornynan izin sýytqan.
Toı qonaqtary arasyndaǵy janjal beınebaqylaý kamerasyna túsip qalǵan.
«Jedel izdestirý sharasy barysynda kúdikti Almaty qalasynda ustaldy. 18 jastaǵy Alakól aýdanynyń turǵyny buǵan deıin de osyǵan uqsas qylmys jasaǵany úshin sottalǵany anyqtaldy. Atalǵan fakti boıynsha QR QK-niń 106-baby 1-bóligi boıynsha tergeý júrip jatyr», - dep málim etti atalǵan vedomstvonyń baspasóz qyzmetinen.
Kúdikti pyshaq óziniń sómkesinde júrgenin aıtqan.
