Almaty oblysynda toıǵa kelgen aýyldasyn pyshaqtaǵan kúdikti ustaldy
TALDYQORǴAN. QazAqparat - Almaty oblysynda Uzynaǵash aýylynyń turǵynyna pyshaqpen aýyr dene jaraqatyn salyp, sońǵy 5 kún boıy izdeýde bolǵan kúdikti qamaýǵa alyndy, dep habarlaıdy QazAqparat tilshisi.
Almaty oblystyq ІІD baspasóz qyzmetiniń málimetinshe, oqıǵa 24 maýsym kúni Jambyl aýdanynda bolǵan. Toıǵa kelgen eki qonaq sózge kelip, sońy tóbelespen aıaqtalǵan. Saldarynan 1990 jyly týǵan azamat aýyr dene jaraqatymen aýdandyq aýrýhanaǵa túsken.
«Oqıǵa kýágerleri kóp bolǵandyqtan jáne qylmystyq áreket jasaǵan azamatty tanyǵandyqtan, kúdiktini anyqtaý qıyn bolǵan joq. Tek oqıǵa ornynan izin sýytyp, jıi oryn aýystyrýyna baılanysty ony ustaý sharalary biraz ýaqytty aldy. Polıtseıler 25 jastaǵy kúdiktini ustady, ol qazir ýaqytsha ustaý ızolıatorynda»,- dep málim etti atalǵan vedomstvodan.
Qazir atalǵan fakti boıynsha QR Qylmystyq kodeksiniń 106-baby 2-bóligine sáıkes sotaldy tergeý sharalary júrip jatyr.
