Almaty oblysynda tótenshe jaǵdaı kezinde lotereıa klýby jumysyn toqtatpaǵan
TALDYQORǴAN. QazAqparat - Almaty oblysynda tótenshe jaǵdaı tártibin saqtamaǵan jeke jáne laýazymdy tulǵalar jaýapkershilikke tartyldy, dep habarlaıdy QazAqparat tilshisi.
Almaty oblysynyń tártip saqshylary tańǵa jaqyn, qarańǵylyqty paıdalanyp saǵat 04:00-der shamasynda karantınge jabylǵan Almaty qalasynyń aýmaǵyna zańsyz ótpek bolǵan Іle aýdanynyń 30 jastaǵy turǵynyn ustady. Oǵan qatysty QR ÁQbK-niń 476-babyna sáıkes ákimshilik hattama toltyrylyp, sot sheshimimen 10 táýlikke qamaldy.
Sonymen qatar, tártip saqshylary tótenshe jaǵdaı kezinde qoıylǵan shekteýge qaramaı, kásibin júrgizgen turǵyndardy jaýapqa tartty.
Oblys ortalyǵynda lotoreıa klýby jumysyn toqtatpaǵan 27 jastaǵy turǵynǵa ákimshilik hattama toltyryldy. Sondaı-aq, karantın ýaqytynda saǵat 20:00-den keıin saýdaǵa tyıym salynsa da, jabylmaǵan 4 saýda orny anyqtaldy. Al, Eńbekshiqazaq aýdanynyń 41 turǵynyna karantın tártibin buzyp, úıinen ketip qalǵany úshin 10 AEK mólsherinde aıyppul salyndy.
Óz kezeginde, oblystyq polıtseıler karantın ýaqytynda tártipti, sanıtarlyq talapty qatań saqtaýǵa shaqyrady. Koronavırýs indetiniń jappaı taralýynyń aldyn alý maqsatynda oblystaǵy barlyq qala-aýdandarda sanıtarlyq beket qoıylýyna baılanysty saqtyq sharalaryna túsinistikpen qarap, talapty oryndaý qajettiligin eskertedi.
