Almaty oblysynda tórt sport alańy ashyldy
ASTANA. QazAqparat - Almaty oblysynda ashyq aspan astyndaǵy Street Workout sport alańdary ashyldy, dep habarlaıdy QazAqparat tilshisi.
Jańa alańdar Taldyqorǵan qalasynyń 3-yqsham aýdanynda, Eskeldi aýdanynyń Qarabulaq kentinde, Aqsý aýdanynyń Jansúgirov atyndaǵy kentinde jáne Sarqand aýdanynyń Sarqand qalasynda salyndy.
Jańa sport alańdary qazaqstandyqtarǵa tegin jáne kez kelgen ýaqytta sportpen aınalysýǵa múmkindik beredi. Barlyq alańdar qossyryq, týrnırkter, presske arnalǵan oryndar, túrli jattyǵýlardy jasaýǵa arnalǵan qondyrǵylarymen jasaqtalǵan.
Almaty oblysy Street Workout federatsııasynyń ókili Aıdos Kertaev óńir jastarynyń atynan QR UOK osyndaı syılyq jasaǵany úshin alǵysyn bildirdi: «Bul sport alańdary qalamyzda sportty damytýǵa jańa serpin beredi, Qazirgi tańda bsport pen salaýatty ómir saltyn tańdaǵan kóptegen jastar bizdiń qozǵalysqa qosylyp jatyrr. Bizde sport jarystaryn ótkizýge, jastardy osy sportqa baýlýǵa jáne Almaty oblysynda strıtýorkaýtty damytýǵa barlyq múmkindikterimiz bar. Osy alańdar sport alańdary bos turmaı, halyqtyń qarasy kóp bolatynyn senimmen aıta alam», - dedi ol.
Osylaısha jastar arasynda keń tanymal ári qoljetimdi Street Workout sporty óz kókjıegin keńeıtýde. Eki jyl ishinde QR UOK prezıdenti Tımýr Qulybaevtyń bastamasymen elimizdiń oblystary men aýdandarynda 55 arnaıy sporttyq alań turǵyzyldy. Osynyń arqasynda jastar sportqa bet buryp, salaýatty ómir saltyn tańdady. Byltyrǵy jylmen salystyrǵanda osy sportpen shuǵyldanýshylardyń sany 45% ósken.
«Street Workout alańdaryn elimizdiń oblystarynda ornatý QR UOK arqasynda múmkin bolyp otyr. Biz, Qazaqstandyq «Street Workout» federatsııasy halyqtyń desaýlyǵyn jaqsartýdy, salaýatty ómip saltyn nasıhattaýdy maqsat etemiz. Qazirgi tańda arnaıy sport zaldaryna baryp jattyǵýǵa keıbir adamdardyń jaǵdaılary bolmaı jatady. Olar ashyq aspan astynda ashylǵan osyndaı alańdarǵa kelip, sportspen shuǵyldana alady. Barlyǵy tegin ári qoljetimdi. Úlken qalalarda, ásirese shalǵaıdaǵy óńirlerde arnaıy sport alańdarynyń ashylýy sportqa degen qyzyǵýshylyqty arttyratyny sózsiz. Sondaı-aq, jergilikti sportshylar bıik belesterdi baǵyndyrý jolynda osy jerlerde jattyǵýlaryn jasaýǵa múmkindik alady. Olarǵa qarap, jas sportshylar sportqa bet bura bastaıdy. Qazirgi 21 ǵasyrda túrli gadjetterin qoldarynan túsirmeı júrgen jastar, taza aýada jattyǵý jasasa, aldaǵy ýaqytta biz kez kelgen salada qyzmet jasaıtyn deni saý, psıhologııalyq daıyndyǵy jaqsy adamdardy tárbıeleı alamyz», - deıdi Street Workout federatsııasynyń birinshi vıtse-prezıdenti, osy sporttyń jarqyn ókili Islam Badýrgov.
Máselen, Aqtaý qalasynda Qazaqstan ulttyq Olımpıadalyq komıteti ornatqan sport alań bir jyl jumys istep tur.
«Bizdiń qalamyzda strıt ýorkaýtpen kóp jastar shuǵyldana bastap, bizdiń qatarymyzǵa qosyldy. Aptasyna úsh ret kez kelgen adamdarǵa tegin jattyǵýlar ótkizemiz. Barlyq alańdar bos turmaıdy. Ne bizdiń sportshylar, ne áýesqoılar jattyǵýlaryn jasap jatady», - deıdi Aqtaýdaǵy qoǵamdyq jattyǵýlardy uıymdastyrýshylardyń biri Damır Nábıev.
Osy ýaqytqa deıin arnaıy Street Workout sport alańdary Almaty, Astana qalalarynda, Aqmola, Aqtóbe, OQO, Mańǵystaý, Qyzylorda, Jambyl, Qaraǵandy, BQO, Atyraý, SQO, Almaty oblystarynda ornatyldy. Jobany QR UOK, qazaqstandyq Street Workout federatsııasy men oblystar, Astana jáne Almaty qalalarynyń ákimdikter júzege asyrýda.
