Almaty oblysynda tórt saıajaı massıvi karantınge jabyldy
ALMATY OBLYSY. QazAqparat – Almaty oblysynda tórt saıajaı massıvi karantınge jabyldy, dep habarlaıdy QazAqparat coronavirus2020.kz saıtyna silteme jasap.
Saıajaı massıvterinde ınfektsııany juqtyrýdyń 9 jaǵdaıy tirkelgen.
«COVID-19 dıagnozy rastalǵan 11-shi patsıentpen baılanysta bolǵan azamattar provızorlyq gospıtalǵa jatqyzylyp, olardan sol mezette KVI analızi alynǵan bolatyn. Qorytyndylar alynyp, 9 adamnyń indet juqtyrǵany anyqtaldy. Oblystyq shtabtyń kelisimimen Eńbekshiqazaq aýdanyndaǵy birden tórt saıajaı massıvi - «Altyn adam», «Kóksaı», «Altyn alma» jəne «Bereke» karantınge jabyldy.
Oblys əkiminiń tasyrmasymen turǵyndardyń tizimi jasaldy, qajettiligine qaraı olar azyq-túlikpen jəne qyzmet túrlerimen qamtamasyz etiledi», - delingen aqparatta.
Atap ótilgendeı, osyǵan oraı Eńbekshiqazaq aýdanynyń bas sanıtarlyq dərigeri qaýly qabyldady. Qazir karantın rejımin qatań saqtaýdy qamtamasyz etetin qyzmetter jumyldyrylýda.
