Almaty oblysynda topyraqty tyńaıtý úshin 20-25 mln. tonna tyńaıtqysh qajet - ǵalym pikiri
TALDYQORǴAN. Qazannyń 26-sy. QazAqparat /Sandýǵash Dúısenova/ - Almaty oblysyndaǵy 855 000 gektar jerdiń 90 paıyzyna bir gektarǵa 20-30 tonna mólsherdegi organıkalyq tyńaıtqyshtar sebý qajet.
QR Jer resýrstaryn basqarý jónindegi agenttigi «Respýblıkalyq agrohımııalyq qyzmet ǵylymı ortalyǵy» memlekettik mekemesiniń ǵylymı qyzmetkeri Leonıd Zýb osy aýmaqqa birqatar sebepterge baılanysty múmkin bolmaı otyrǵan 20-25 mln. tonna qı tógý kerek degen pikir bildirdi.
Mamannyń aıtýynsha, Almaty oblysyndaǵy topyraq qabatyna jasalǵan monıtorıng sýly jerdegi topyraqtyń 90,76 paıyzy men tálimi jerdegi topyraqtyń 49,36 paıyzyndaǵy qarashirik mólsheri tym tómen.
L.Zýbtyń pikirinshe, júrgizilgen saraptama qorytyndysy topyraqtaǵy qarashirik mólsheriniń qoryn saqtap qalý Almaty oblysynda jer ıgerýshilerdiń aldynda turǵan alǵashqy mindetterdiń biri ekenin kórsetip otyr.
