Almaty oblysynda tólem termınalynan 1,5 mln teńge urlap ketti
TALDYQORǴAN. QazAqparat - Almaty oblysynyń Panfılov aýdanynda tólem termınalyn tonap ketti. Oqıǵa Jarkent qalasyndaǵy qonaq úılerdiń birinde bolǵan, dep habarlaıdy QazAqparat tilshisi.
«8-shi qańtar kúni termınaldyń tonalǵandyǵy jóninde aryz aýdandyq ІІB kelip tústi. Táýlik ishinde 25 jəne 38 jastaǵy eki kúdikti ustaldy. Termınaldan 1,5 mln teńge urlanǵan. Kúdiktiler 25 myń teńgesin óz qajettilikterine ustap qoıǵan. Al joǵalǵan qomaqty qarjynyń negizi bóligi tərkilendi. Qylmyskerler termınaldy shege sýyrǵysh quralmen buzǵan»,- dep málim etti oblystyq ІІD baspasóz qyzmeti.
Qazir kúdiktiler qamaýǵa alyndy. Atalǵan fakti boıynsha QR QK 188 babynyń 3-shi tarmaǵyna sáıkes is qozǵalyp, tergeý jalǵasýda. Kúdiktilerdiń ózge de qylmysqa qatysy bar-joǵy anyqtalýda.
