Almaty oblysynda tólem termınaldaryn urlaǵan qylmystyq top ustaldy
TALDYQORǴAN. QazAqparat - Almaty oblysynda tólem termınaldaryn urlaǵan qylmystyq top ustaldy. Bes kúdiktiniń barlyǵy Talǵar aýdanynyń turǵyndary, dep habarlaıdy QazAqparat tilshisi.
Almaty oblystyq polıtsııa departamenti baspasóz qyzmetiniń málimetinshe, ustalǵandardyń barlyǵy buryn sottalǵandar. Qazir olar naýryz jáne sáýir aılarynda jasalǵan 9 qylmysqa qatysy bar dep kúdiktelýde. Al oqıǵa Eńbekshiqazaq jáne Talǵar aýdandarynda bolǵan.
«Toptyń quramyndaǵylar - 28 ben 21 jastaǵy jigitter. Olardyń barlyǵy Talǵar aýdanynyń turǵyndary. Barlyq iste kúdiktiler tólem termınaldaryn urlaǵan. Birneshe fakti beınebaqylaý kamerasyna jazylyp qalǵan. Birinde kúzetshi qarsylyq kórsetkeni de bar. Qazir eki termınal is materıalyna aıǵaq zat retinde tirkeldi. Al jábirlenýshilerge keltirilgen shyǵyn kólemi eseptelip jatyr» dep málimdedi atalǵan vedomstvonyń baspasóz qyzmetinen.
Qazir kúdiktilerdiń ózge de qylmystarǵa bar-joǵy tekserilýde.
«Barlyq bes kúdikti qazir ýaqytsha ustaý ızolıatoryna qamaldy. Sotqa deıingi tergeý jumysyn Talǵar aýdanynyń polıtseıleri júrgizýde», - dep tolyqtyrdy Almaty oblystyq polıtsııa departamentiniń baspasóz qyzmetinen.
