Almaty oblysynda toqyma fabrıkasy memleketke 131 mln teńgeden asa zalal keltirgen
Almaty oblysy boıynsha Sybaılas jemqorlyqqa qarsy qyzmet departamenti oblystyq Ekonomıkalyq tergeý departamentimen birlesip Jambyl aýdanynda ornalasqan iri «maınıng» fermasyn áshkereledi.
«Zańsyz áreketti sheteldik ınvestorlarmen birlese otyryp, burynǵy mata fabrıkasy bolǵan «Qarǵaly» AQ aýmaǵynda júzege asyrǵan. Belgili bolǵandaı, uıymdastyrýshylar «maınıng» fermasyn toqyma óndirisi atynan tutynylatyn elektr qýatynyń qunyn jeńildetilgen tarıf boıynsha tólegen.
Tintý kezinde mamandar krıptovalıýta óndirý úshin iri shıfrlaý kesheni bar 2800-den astam jabdyq tárkilendi»,- delingen QR Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) Almaty oblysy boıynsha departamenti jarııalaǵan habarlamada.
Vedomstvonyń aqparatyna sáıkes, aldyn ala baǵalaý boıynsha memleketke 131 198 909 teńge mólsherinde zalal keltirilgen.
«Qazirgi ýaqytta tergeý amaldary júrgizilip, saraptama taǵaıyndaldy. Ózge aqparat tergeý múddesine saı jarııa etilmeıdi»,- dep tolyqtyrdy atalǵan vedomstvonyń baspasóz qyzmetinen.
